BAUAN, Batangas — ISANG araw bago ang pagtatapos ng kampanya, bumisita si Senadora Imee Marcos sa mga bayan ng Bauan at San Pascual, Batangas nitong Biyernes, Mayo 9, upang makiisa sa mga residente at magbigay ng mensahe ng suporta.
Sa kanyang talumpati, muling iginiit ng senadora ang kanyang panata sa patuloy na pagtulong sa lahat ng sektor, lalo na sa mga magsasaka, na aniya’y patuloy niyang ipinaglalaban ang kapakanan.
Kasabay nito, binigyang-diin din ni Senadora Imee ang ilan sa mga pangunahing panukalang batas na kaniyang isusulong sakaling muling mahalal sa Senado—kabilang na rito ang pagtatatag ng mga regional specialty hospitals, pagpapatupad ng pantay na minimum wage sa buong bansa, pagbibigay ng trabaho at hindi lamang ayuda, at pinalawak na suporta para sa mga Persons with Disabilities (PWD), bukod sa iba pa.
Sa pagtatapos ng kampanya, bitbit ng senadora ang mga kwento at hinaing ng bawat mamamayang kaniyang nakausap sa kaniyang patuloy na paglibot sa buong bansa.|
